Un informe pericial do Concello de Touro revela unha persistente afección ambiental en ríos da antiga mina

Ecos da Comarca/Touro

O Concello de Touro fai público un informe pericial independente, o primeiro promovido pola propia Administración local para avaliar, mediante analíticas independentes, o estado dos ríos e regatos da contorna da antiga explotación mineira de Touro–O Pino.

 PUBLICIDADE

Preme na imaxe para obter máis información deste evento.

O estudo foi encargado pola Área de Medio Ambiente, Patrimonio e Camiño de Santiago, dirixida polo concelleiro Darío Rey Suárez, e elaborado por un equipo técnico especializado co obxectivo de ofrecer unha avaliación rigorosa, obxectiva e independente da calidade das augas superficiais.

 PUBLICIDADE

Contacta con nós!

"As conclusións do informe evidencian a persistencia dunha afección ambiental significativa sobre diversos cursos fluviais da contorna da antiga explotación mineira, constatándose en distintos puntos parámetros que superan os valores de referencia e os obxectivos ambientais establecidos pola normativa vixente. Así mesmo, a comparación cos datos históricos dispoñibles reflicte unha evolución desigual, con puntos nos que se detecta un empeoramento de determinados indicadores da calidade das augas", salienta o Concello.

Máis información: https://concellodetouro.com/index.php/gl/novas/3311:informe-pericial-sobre-o-estado-das-augas-superficiais-na-contorna-da-antiga-mina-de-touro-o-pino