Un home resultou ferido ao caerlle enriba unha rozadoira

Ecos da Comarca/Xeral

Un home resultou ferido ao caerlle enriba unha rozadoira. Estivo momentaneamente atrapado, tal e como informa o 112 Galicia.

Foto de arquivo.

Os feitos ocorreron ás 18:30 horas desta tarde en Montán, Samos. Uns veciños chamaron ao 112 Galicia para solicitar asistencia urxente para un home tirado nunha leira. Segundo explicaron, quedara atrapado baixo unha máquina enganchada ao tractor. Tratábase dunha rozadoira, da que foi liberado decontado, grazas ás persoas que acudiron a socorrelo.

Publicidade

Preme na imaxe se queres contactar connosco.

Tamén foron avisados os Bombeiros de Sarria e, por suposto, os profesionais de Urxencias Sanitarias de Galicia-061, que enviaron varias dotacións, entre elas, a que se despraza a bordo do helicóptero con base en Ourense. Sen embargo, ao atoparse o ferido xa liberado e despois de recibir os primeiros coidados, o traslado ao hospital puido realizarse en ambulancia.

Neste operativo colaboraron tamén os axentes da Garda Civil.