ecosdacomarcaUn camión tira varios postes de alumeado público e de telefonía na parroquia de Castrofeito, no Pino
O incidente tivo lugar a tarde do venres no lugar de Santiso
Ecos da Comarca/O Pino
Un camión tirou varios postes de telefonía e de alumeado público na tarde do venres no lugar de Santiso, Castrofeito (O Pino), tal e como informa o 112 Galicia. O suceso tivo lugar na N-634, no tramo da antiga estrada.
Foi un particular o que deu aviso ao 112 Galicia sobre as seis da tarde. Para poder establecer a seguridade na zona alertaron á empresa de telefonía, aos bombeiros de Arzúa, a Garda Civil de Tráfico e a persoal do Concello do Pino.
