Un camión envorca no municipio de Agolada

O suceso ocorreu na estrada provincial Berredo-Brántega á altura da Valiña

Ecos da Comarca/Agolada

Momento da retirada: Autor: Rafael Méndez.

Nas últimas horas rexistrouse un accidende no municipio de Agolada no que se viu afectado un camión que quedou envorcado na cuneta.

Autor: Rafael Méndez.

Ocorreu na estrada provincial EP-3602 Berredo-Brántega á altura do lugar da Valiña. "Foi de noite ao cruzarse cun camión de gando e ao arrimarse, o firme non aguantou e volcou na cuneta", sinala Rafael Méndez, un dos veciños que estivo no lugar. "O chófer saíu ileso e o acompañante dicían que se queixaba algo, pero sin importancia. Isto é o que me comentaron", engade.

Preme na imaxe se queres contactar connosco!

O camión que envorcou de noite é de conservación de estradas e foi retirado por Grúas Lalín Deza sobre as once desta mañá.

O lugar do accidente, tras retirarse o vehículo. Autor: Ecos da Comarca.