Un accidente na autopista deriva nun segundo sinistro cunha persoa atropelada

Ecos da Comarca/Xeral

Un accidente na AP-9, en Culleredo, deriva nun segundo cunha persoa atropelada. Da primeira colisión formouse unha retención e un segundo accidente con dous coches implicados e unha persoa atropelada.

Foto de arquivo.

Os axentes da Garda Civil de Tráfico solicitaron asistencia sanitaria para este segundo ferido, pois presentaba lesións importantes.

Deste xeito, sucederon dous accidentes practicamente contiguos na AP-9, ao paso polo concello de Culleredo, en sentido á cidade da Coruña. 

 Publicidade

Preme na imaxe para obter máis información.

Segundo explicaron os axentes de seguridade a través do 112 Galicia, produciuse primeiro un sinistro para o que foi necesaria a intervención sanitaria e, posteriormente, no medio da retención, tivo lugar un segundo accidente, onde unha persoa foi atropelada. Atopábase fóra do vehículo cando foi alcanzada por un segundo e quedou no medio de ambos os dous.

Publicidade

Preme para contactar con nós e pregunta polas tarifas que son unha bicoca!

Con todo, estaba liberada e accesible, por tanto, descartouse a intervención dos bombeiros, pero si tiña feridas importantes, polo que Urxencias Sanitarias de Galicia-061 tivo que mobilizar unha segundo dotación.

Pasaban das 16:30 horas cando foron rexistrados estes dous accidentes, dos que alertaron os propios axentes da Garda Civil de Tráfico.