Un accidente entre un coche e unha furgoneta termina cunha persoa falecida

Ecos da Comarca/Xeral

Quen alertou ao 112 Galicia foi o acompañante da vítima. A súa chamada atendeuse na central minutos despois das dez desta noite. Explicou que o vehículo no que viaxaban saírase da vía na OU-1205, en Porqueirós, Muíños. Tamén detallou o estado delicado no que se atopaba o acompañante.

Foto do sinistro. Fonte: Garda Civil

Decontado, os xestores do Centro Integrado de Atención ás Emerxencias de Galicia solicitaron a intervención dos profesionais de Urxencias Sanitarias de Galicia-061 e dos membros do GES de Muíños, pois a vítima estaba, ademais, atrapada dentro do vehículo.

 Publicidade

Preme na imaxe para obter máis información.

Cando foi liberado, recibiu atención médica, pero nada puideron facer para salvarlle a vida. En canto ao alertador, o outro ocupante do turismo, sufriu lesións leves. O operativo completouse cos axentes da Garda Civil de Tráfico.

Publicidade

Preme para contactar con nós e pregunta polas tarifas que son unha bicoca!

ACTUALIZACIÓN. En base aos últimos datos recollidos no 112 Galicia, os medios confirmaron desde o punto que se tratou dun accidente con dous vehículos implicados, un coche e unha furgoneta: no turismo do que inicialmente se pensaba que se saíra da vía viaxaba a persoa que acabou falecendo e que foi excarcerada, mentres que o condutor da furgoneta foi evacuado ao Complexo Hospitalario Universitario de Ourense. Ademais, un familiar da falecida que se desprazou ata o lugar tralo sinistro acabou falecendo tamén tras sufrir unha indisposición. Malia os esforzos por reanimalo, os servizos sanitarios só puideron confirmar o seu pasamento.