Touro pretende rehabilitar a antiga vivenda do profesorado da escola de Vilar

O obxectivo é destinala ao aluguer social

Ecos da Comarca/Touro

O goberno municipal de Touro vén de presentar un proxecto para concorrer a unha axuda da Xunta de Galicia co obxectivo de rehabilitar a antiga vivenda do profesorado da escola de Vilar e destinala ao aluguer social.

 Publicidade/DOAZÓN PARA ECOS DA COMARCA

Esta actuación dá continuidade ao pacto de goberno asinado polo alcalde Jesús Reboredo e o concelleiro Darío Rey, no que a vivenda social é unha das liñas prioritarias.

Cómpre lembrar que o goberno local acaba de incluír no Plan de Obras e Servizos da Deputación a reconversión da antiga escola das Goritas nunha vivenda municipal para aluguer social, reforzando a creación de vivenda pública no concello.

 Publicidade

Preme na imaxe para obter máis información.

O obxectivo é ampliar o parque municipal de vivenda e ofrecer alternativas reais ás familias que queren vivir no concello.