Touro, O Pino, Lalín, Silleda, Cruces e Antas instalarán hoxe pantallas xigantes para seguir a final do Mundial

Laura Moure/Xeral

A paixón polo fútbol volverá reunir a centos de afeccionados nas prazas e espazos públicos das comarcas este domingo. Con motivo da gran final do Mundial, na que a selección española se enfrontará a Arxentina, varios Concellos optaron por instalar pantallas xigantes para que a veciñanza poida seguir o encontro nun ambiente festivo e compartido. O partido é hoxe, domingo 19 de xullo, ás 21 horas.

A pantalla xigante de Lalín xa está instalada.

A iniciativa permitirá que familias, amigos e afeccionados vivan xuntos un dos partidos máis agardados do campionato, convertendo diferentes puntos dos municipios en auténticos lugares de encontro para animar á selección española.

Entre os concellos das comarcas de Arzúa, Deza, Terra de Melide e A Ulloa que xa anunciaron a instalación destas pantallas atópanse:

COMARCA DE ARZÚA:

• Touro: A pantalla de 4x 2 metros estará ubicada na rúa Eduardo Pondal en fronte da Peluquería Bego e haberá cadeiras.

• O Pino: A pantalla xigante estará na Praza do Concello e haberá animación musical cun DJ antes e despois do partido desde as 20:00 e ata as 00:00 horas

 PUBLICIDADE

Preme na imaxe para obter máis información deste evento.

COMARCA DE DEZA:

• Lalín: O escenario elixido é a Praza de Galicia, ao carón do Consistorio. Tamén haberá animación musical de DJ Pacheco e postos gastronómicos. As persoas que non queiran sentar no céspede ou estar de pé poden traer a súa cadeira.

• Silleda: A pantalla estará colocada na praza Siñor Afranio, diante do Concello

• Vila de Cruces: Instalarase unha pantalla xigante, de 3x5 metros, na Praza do Concello, pero ás 19:00 horas, haberá xa unha previa para ir quentando motores con

  música e moito ambiente.

  
  

COMARCA DA ULLOA:

• Antas de Ulla: Celebrará o San Cristovo este domingo e pola noite podera verse o fútbol dende unha pantalla xigante no campo da festa e despois continuará coa verbena.

Estes son os municipios que o anunciaron a través das súas redes sociais ou directamente aos medios de comunicación, pero tamén outros poderían sumarse á iniciativa nas próximas horas, polo que estade atentos ás súas redes sociais!

 PUBLICIDADE

Preme na imaxe para obter máis información deste evento.

Os gobernos locais animan á cidadanía a participar nesta cita deportiva, que promete congregar a un gran número de persoas para apoiar á selección española nunha final histórica fronte ao combinado arxentino.

O ambiente festivo, a emoción e o seguimento colectivo do encontro converterán a tarde do domingo nunha auténtica celebración do deporte, coa esperanza de ver a España proclamarse campioa do mundo.