Tamara Soto, con orixes cruceñas, e Tamar Novas, con orixes arzuás, premiados nos Mestre Mateo
Ambos forman parte da película O corpo aberto que foi o proxecto que máis distincións recibiu nesta edición
Laura Moure/Vila de Cruces/Arzúa
O corpo aberto, de Ángeles Huerta, foi a película máis premiada na gala da 21ª edición dos Premios Mestre Mateo do audiovisual galego, que se celebrou o pasado sábado no Auditorio Municipal de Ourense. E deste proxecto, e que tamén foron premiados por el, forman parte dúas persoas vencelladas coas comarcas. Falamos de Tamara Soto con raíces cruceñas e Tamar Novas, natural de Arzúa.
"Onte celebráronse os Mestre Mateo. Entre as galardoadas, pola dirección de produción da película do momento, O corpo aberto, atopábase unha muller coas súas raíces na nosa comarca, entre Silleda e Vila de Cruces (Merza)!! Ela é Tamara Soto e queremos parabenizala por este premio!! Parabéns por suposto a todas as demais persoas premiadas do audiovisual galego e á película O corpo aberto como grande triunfadora!!!" facíase eco desta nova o BNG de Vila de Cruces a través das súas redes socias.
Esta película gañou nas categorías de mellor longametraxe, dirección e guión para Ángeles Huerta, que comparte el último galardón con Daniel D. García. Ademais, recoñeceron a interpretación protagonista de Tamar Novas, con orixe arzuá e que foi o pregoeiro da Festa do Queixo de Arzúa celebrada a primeira fin de semana de marzo, e de reparto de Federico Pérez. O corpo aberto ganou tamén os premios ao mellor dirección de arte para Antonio Pereira; dirección de fotografía para Gina Ferrer; dirección de produción para Tamara Soto; maquillaje e peluquería para Raquel Fidalgo, Noé Montes e María Barreiro; mellor música orixinal para Mercedes Peón; mellor son para Diego Staub e Jordi Rossinyol e mellor vestiario para Teresa Sousa.
Comentarios