Sobrado dos Monxes acolle unha andaina o 13 de agosto
Actualizado: 7 ago 2022
Será de 10 quilómetros e de dificultade baixa
Ecos da Comarca/Sobrado dos Monxes
O vindeiro sábado,13 de agosto, terá lugar unha andaina por Sobrado dos Monxes. A saída será ás 10:00 horas desde a Praza do Portal, diante do Concello. Durará unhas 2 horas e media, ten unha dificultade baixa e unha lonxitude de 10 quilómetros.
O percorrido será pola contorna do mosteiro, a Lagoa de Millares, a Lagoa de Sobrado, a Carballeira da Casa de Gado e o Camiño de Santiago. Ao finalizar, terá lugar unha visita guiada ao Mosteiro de Santa María de Sobrado.
A inscrición é de balde e os interesados poden anotarse presencialmente na portería do mosteiro ou enviando nome e apelidos ao correo amigosmonasteriosobrado@gmail.com
Comentarios