Silleda replantea o proxecto do skate park, ante a imposibilidade de acometer a cancha multideporte

No canto da pista, colocaránse elementos deportivos como canastas de baloncesto, en varios espazos públicos e renovarase distinto material deportivo

Laura Moure/Silleda

A Xunta de Goberno Local de Silleda vén de aprobar a modificación do proxecto para a dotación dun skate park e pista multideporte na praza Juan Salgueiro de Silleda. Esta modificación vén dada pola imposibilidade técnica de colocar a pista multideporte neste emprazamento, xa que o espacio onde estaba previsto dificultaba a práctica deportiva ao contar con desniveis no firme de pedra. Foi no momento da realizar a acta de replanteo cando se detectou este problema, polo que os técnicos emitiron informe negativo sobre a colocación da pista na praza.

Así, en lugar da pista, cos fondos correspondentes a esta instalación (algo máis de 18.000 euros) o Concello de Silleda apostará polo subministro de elementos deportivos, entre eles canastas de baloncesto, para instalar en varios espazos públicos de Silleda e da Bandeira, ademais de incluir nos fondos outros materiais de carácter deportivo.

Publicidade

Preme na imaxe para obter máis información do evento.

Unha vez que se modifique o proxecto, poderánse iniciar xa as obras de instalación do skate park, na praza Juan Salgueiro de Silleda, que foron adxudicadas no seu día á empresa Urbanismo Técnico Sostible S.L. O skate park, formado por varios módulos para esta practica deportiva instalarase na parcela municipal situada nas inmediacións da praza, ao carón da rúa Antón Alonso Ríos. A pista multideporte estará no espazo público xa existente da praza Juan Salgueiro, a modo de transición entre a propia praza e a zona axardinada. O prazo de execución dos traballos é de 2 meses.

Publicidade

Preme na imaxe se queres contactar connosco.

O proxecto está financiado a través do Plan de Infraestruturas da Deputación de Pontevedra. “Con esta iniciativa damos resposta a unhas das instalación máis demandadas ao que tempo que seguimos mellorando os espazos públicos”, indica a alcaldesa, Paula Fernández.