Sedexpo volverá dar protagonismo aos sectores de seguridade, defensa e emerxencias en abril en Silleda

Será a cuarta edición deste certame organizado pola Feira Internacional de Galicia Abanca

Laura Moure/Silleda

A Feira Internacional de Seguridade, Defensa e Emerxencias, SEDEXPO, celebrará a súa cuarta edición do 7 ao 9 de abril do vindeiro ano na Feira Internacional de Galicia ABANCA, Silleda.

 Publicidade

Preme na imaxe para obter máis información do evento.

Así se decidiu onte nunha reunión do seu Comité Organizador na que, ademais de establecer as datas, analizáronse os resultados da pasada convocatoria, na que destacou o seu crecemento en expositores directos e superficie, cun 19% e un 11% máis respectivamente, e tamén a maior calidade no perfil do visitante pola súa capacidade de decisión.

 Publicidade/DOAZÓN PARA ECOS DA COMARCA

Fai unha doazón para axudar ao xornalistmo independente. Gracias!

Así mesmo, abordáronse aspectos organizativos desta cita de 2027 para seguir mellorando e ofrecer aos expositores e visitantes un espazo de referencia. A promoción do evento ou a estruturación do programa de xornadas técnicas foron algúns deles.

Publicidade

Preme para contactar con nós e pregunta polas tarifas que son unha bicoca!

Compromiso coa feira

A este encontro mantido no recinto feiral acudiu unha ducia de representantes de empresas e colectivos con gran peso no sector, como a Asociación de Empresas de Expertos de Seguridade de Galicia (AESGA), Instituto Tecnolóxico de Galicia (ITG), Unión Sindical Obreira USO, Incipresa, Sabico, Peycar, Aeromedia, GSI e Technical Uniforms. Asistentes que mostraron o seu compromiso coa feira e incidiron na importancia de seguir traballando para contar cun público cualificado e determinante no proceso de compra.

Estes estiveron acompañados do xerente da Axencia Galega de Emerxencias da Xunta de Galicia, Marcos Araújo, e a directora xeral de Estratexia Industrial e Solo Empresarial da Consellería de Economía e Industria, Margarita Ardado. O apoio á feira tamén quedou patente nas súas intervencións, nas que ademais destacaron a importancia de traballar xuntos dende o Comité para seguir facendo a feira máis atractiva e con maior xeración de negocio.