Santomé de Obra celebra este sábado a súa 39ª sardiñada, a máis lonxeva de Vila de Cruces

Á cita asistirán 104 comensais

Laura Moure/Vila de Cruces

A parroquia de Santomé de Obra, no concello de Vila de Cruces, celebrará este sábado 11 de xullo a súa tradicional sardiñada, que chega xa á súa 39ª edición, consolidándose como a máis lonxeva do municipio e da contorna.

PUBLICIDADE

Preme na imaxe para obter máis información deste evento.

Nesta cita participarán un total de 104 comensais, que poderán degustar un completo menú composto por sardiñas con pan de millo e pan de trigo, ademais de churrasco, crioulos, chourizos e viño. O broche doce poñerano As Larpeiras da panadaría Mazás, sen faltar tampouco a tradicional queimada, pensada para espantar os malos momentos e contribuír a alongar a festa ata altas horas da noite.

 PUBLICIDADE

Preme na imaxe para obter máis información do evento.

Trátase dunha celebración con preto de catro décadas de historia que, ano tras ano, consegue reunir a veciños e veciñas xunto con familiares e amizades arredor da mesa e da convivencia. Un encontro que se mantén vivo no tempo e que forma parte xa das tradicións máis arraigadas da parroquia.

 PUBLICIDADE

Preme na imaxe para obter máis información deste evento.

Ademais do seu carácter festivo e gastronómico, a sardiñada de San Tomé de Obra serve tamén como antesala das festas parroquiais, que terán lugar os días 1 e 2 de agosto en honra a San Tomé.