Santiso inaugura o novo campo de fútbol o sábado 5 de setembro

Será cun encontro entre a UD Santiso e a Selección Galega de Veteranos

Laura Moure/Santiso

O Concello de Santiso prepara para este sábado, 5 de setembro, a inauguración do novo campo de fútbol municipal, cunha xornada deportiva que reunirá no terreo de xogo á UD Santiso FC, nas categorías sénior e veteranos, e á Selección Galega de Veteranos.

O encontro dará comezo ás 17:30 horas e servirá como acto central dunha inauguración coa que o municipio pon en valor as novas instalacións deportivas e a súa aposta polo deporte local.

 PUBLICIDADE

Preme na imaxe para obter máis información deste evento.

A cita permitirá ademais aos afeccionados gozar dun partido especial coa presenza da selección galega de veteranos, nunha xornada pensada para reunir á veciñanza arredor do fútbol e do novo campo municipal.

A inauguración conta coa colaboración do Concello de Santiso, a Deputación da Coruña, a Xunta de Galicia e a Real Federación Galega de Fútbol, entre outras entidades.

 PUBLICIDADE

Preme na imaxe para contactar connosco.

Unha cita marcada no calendario deportivo de Santiso que permitirá estrear oficialmente o novo campo rodeado de fútbol, deporte e participación veciñal.