A Xunta elimina un punto de vertido nunha instalación do concello de Santiso

Os inspectores localizaron a orixe nun derrame de aceites no interior dunha instalación que se canalizaba ao exterior cara ao río Furelos

Laura Moure/Santiso

A Consellería de Infraestruturas e Mobilidade, a través de Augas de Galicia, eliminou un vertido de aceites industriais procedente dunha instalación situada no concello de Santiso.

Esta achega irregular detectouse no marco das tarefas rutineiras de inspección que o persoal do Programa de Control de vertidos de Augas de Galicia leva a cabo na atención de alertas de vertido, no ámbito territorial da Demarcación Hidrográfica Galicia-Costa.

Publicidade

Preme na imaxe para obter máis información!

Os técnicos da Xunta desprazados á zona localizaron un derrame de aceites no interior dunha instalación do municipio, que se canalizaba por varios puntos ao exterior da nave cara ao río Furelos. 

Publicidade

Preme na imaxe para obter máis información.

Ante a deficiencia observada, o persoal de Augas de Galicia emprendeu as accións necesarias para conter o vertido ao río, procedendo á instalación de barreiras de contención e material absorbente para reter o aceite.

Ademais, os técnicos requiríronlle aos responsables da instalación a adopción das medidas correctoras oportunas co obxectivo de emendar a achega irregular.

Publicidade

Preme na imaxe para obter máis información do evento.

 Nunha nova inspección á zona, Augas de Galicia verificou o cese do vertido e da contaminación, emendando así o episodio de vertido.