Rouban diverso material e ferramentas nas obras da autovía A-54 no tramo Melide-Arzúa

A Gardia Civil detivo a dous veciños da Coruña como presuntos autores deste delito de furto

Laura Moure/Arzúa/Melide

O Equipo ROCA da Garda Civil de Santiago de Compostela detivo a dous homes como presuntos autores dun delito de furto. Os feitos ocorreron por mor da denuncia interposta por un responsable da empresa adxudicataria das obras da autovía A-54 no tramo Melide-Arzúa, comunicando a subtracción de diverso material de obra e ferramentas dun dos seus depósitos descoñecendo a autoría do ilícito.

A Garda Civil iniciou unha investigación, encadrada no Plan Nacional para a loita contra o roubo de metais, ao obxecto de constatar a veracidade dos feitos, lograr a identificación plena de autores e a recuperación dos efectos subtraídos. No transcurso da investigación, os compoñentes do mencionado Equipo realizaron diversas inspeccións ás diferentes empresas chatarreras da provincia.

Preme na imaxe para obter máis información deste evento.

No transcurso dunha delas, os efectivos actuantes observaron unha furgoneta branca que abandonaba as instalacións con evidentes signos de circular con sobrecarga, procedendo á súa detención para a comprobación da mercadoría que portaba.

Durante a inspección, os gardas civís constataron que parte da mercadoría transportada presentaba as mesmas características técnicas que os efectos substraídos na autovía A-54. Os efectivos actuantes solicitáronlles a estas dúas persoas a documentación que amparase a mercadoría e o motivo da súa saída da chatarrería con ela, comunicando estas que carecían da devandita documentación e que ese era o motivo polo que os responsables da instalación chatarrera rexeitaran a súa compra.

Preme na imaxe se queres contactar connosco.

A Garda Civil procedeu á detención dos dous homes, veciños da Coruña, como presuntos autores dun delito de furto e á incautación dos efectos achados, os cales foron reintegrados aos seus lexítimos propietarios. As actuacións realizadas foron postas ao dispor do Xulgado de Instrución de Garda de Arzúa.