Queixos e un mel das comarcas triunfan na XXVIII Cata dos Queixos e a XXIV Cata dos Meles de Galicia

Recibiron premios Lácteos Farelo (Agolada), Queixería Barral (Arzúa), Arqueixal (Palas), Dona Cobiña (Agolada) e Mel de Liñares (Lalín)

Laura Moure/Xeral

A conselleira do Medio Rural, María José Gómez, acompañada polo director da Axencia Galega da Calidade Alimentaria, Martín Alemparte; e pola delegada territorial da Xunta na Coruña, Belén do Campo; participou onte na entrega dos premios da XXVIII Cata dos Queixos e a XXIV Cata dos Meles de Galicia, onde louvou o papel dos produtores á hora de obter elaboracións de excelente calidade.

Durante a súa intervención no acto celebrado na Quinta da Auga en Santiago de Compostela, a conselleira destacou que estes premios son un recoñecemento colectivo ao

bo facer, á calidade e ao respecto polas tradicións. Neste sentido, engadiu que axudan a

dar visibilidade ao traballo ben feito, xa que cada bote de mel e cada queixo ten detrás “un

enorme compromiso coa terra” e son un reflexo da Galicia Calidade.

 Publicidade

Preme na imaxe para obter máis información.

Gómez felicitou a todos os participantes, tanto aos gañadores como en xeral a todos os

produtores, e tamén quixo poñer en valor o traballo dos catadores, que tiveron que escoller

aos mellores entre unhas propostas de “altísima” calidade. Por iso, agradeceu a súa

entrega e profesionalidade á hora de asumir esta responsabilidade.

Publicidade

Preme para contactar con nós e pregunta polas tarifas que son unha bicoca!

Asemade, lembrou que Galicia é a terceira comunidade de España con maior número de

selos de calidade diferenciada, concretamente 36, aos que se lle suman Agricultura

Ecolóxica e Artesanía Alimentaria. “Isto é mérito de todos e cada un dos produtores

galegos”, destacou.

Na entrega dos premios destas catas, a conselleira reafirmou o apoio do Goberno galego a

este tipo de produción con axudas e tamén coa súa promoción nos mercados. Neste

senso, a Consellería do Medio Rural destinará o próximo ano 10 millóns de euros ao Plan

Saborea Calidade Diferenciada de Galicia, 2 máis que este 2025, co que se seguirán

impulsando este tipo de producións.

66 mostras de queixos e 58 de mel

A edición deste ano contou coa participación de 31 queixerías, que achegaron 66 mostras,

e 28 industrias do mel, con 58. Estiveron representados produtos amparados polos

distintivos das denominacións de orixe protexidas San Simón da Costa, Arzúa-Ulloa, Queixo Tetilla e Cebreiro; da Indicación Xeográfica Protexida Mel de Galicia; de Agricultura

Ecolóxica e de Artesanía Alimentaria.