Outorgadas as tres primeiras axudas do ano á creación de emprego en Silleda por 9.300 euros

As tres beneficiarias veñen de abrir locais do sector da hostalería neste municipio

Laura Moure/Silleda

O Concello de Silleda a través da Concellería de Emprego, que dirixe Pili Peón, vén de outorgar tres novas axudas á creación de emprego, convocatoria que se abríu o pasado mes de abril, e que suman un total de 9.300 euros. As tres persoas beneficiarias

obtiveron unha alta puntuación pola contratación de persoal, sendo nos tres casos mulleres. Ao abeiro destas axudas Alba Fraga López recibirá 3.000 euros; Lourdes

Melisa Osorio González 3.900 euros (neste caso abre dous establecementos) e Rocío Pena López outros 2.400 euros.

Deste xeito son xa 53 os proxectos empresarias subvencionados polo Concello de Silleda dende o ano 2015, cando se puxo en marcha este programa. A convocatoria deste ano abriuse o pasado 20 de abril, logo da publicación das bases en febreiro no Boletín Oficial da Provincia de Pontevedra.

Contías

As condicións son similiares ás de convocatorias anteriores (podendo solicitar estas axudas aquelas persoas que estén en situación de desemprego e queiran emprender proxectos pola súa conta), se ben hai que ter en conta que as contías se aumentaron na convocatoria de 2021. Así, a axuda por apertura de local comercial pasou de 300 a 600 euros, e a Alta no Réxime de Cotización de Autónomos de 600 a 900 euros.

O importe máximo da axuda é de 4.200 euros. Ademais, trátase dun programa programa no que se valora a maiores a perspectiva de xénero, con discriminación positiva no apartado referido á contratación de persoal. O Plan Municipal de Axuda á Creación de Emprego iniciouse no 2015 como unha das grandes apostas do goberno municipal de Silleda para fomentar a creación de emprego. “Calquera silledense que esté en situación de desemprego e queira emprender un negocio en Silleda conta con estas axudas a fondo perdido, sempre que cumpla as condicións establecidas nas bases”, lembra a concelleira.

Puntúase que o promotor/a do proxecto sexa parado/a de longa duración; a apertura de local; a alta no Réxime de Autónomos; a contratación de persoal; e prímanse aqueles proxectos relacionados co sector primario, medio ambiente o que aposten polo I+D+I. Tamén se outorgan a maiores puntos extra, para aqueles casos nos que os proxectos sexan promovidos por mulleres con cargas familiares de unidades monoparentais. “O grande obxectivo que nos propuxemos con este programa é en definitiva axudar á creación de emprego, algo que nos temos en que estamos é cada vez máis necesario”, indica Peón.

As axudas outorgadas poden consultarse na páxina web municipal (www.silleda.gal) ao igual que as bases e os anexos que hai que presentar para formalizar a solicitude.