Orixínase un incendio nunha finca do casco urbano de Melide
- ecosdacomarca
- 24 jun 2025
- 1 Min. de lectura
Ecos da Comarca/Melide
Os bombeiros do parque Provincial de Arzúa, foron alertados pasadas as 12:00 horas deste mediodía dun incendio que afectou a unha finca na rúa Inocencio Fuciños Quintás, no concello de Melide, tal e como informa o gabinete de prensa do Consorcio Contra Incendios e Salvamento da Coruña.
"A finca na que durante a noite de onte se realizaron dúas lumaradas de San Xoán atópase anexa a vivendas, polo que para evitar a propagación do lume procedeuse á súa completa extinción e posterior arrefriamento para evitar reactivacións", sinala o gabinete de prensa do Consorcio.
Publicidade
Na incidencia arderon ao redor de dous mil metros cadrados de finca, non habendo que lamentar danos persoais.
Publicidade
Completaron o operativo a Garda Civil e a Policía Local de Melide.
Era visto. Solicitouselle estes anos por parte duns veciños ao alcalde e ao tenente de alcalde que, se autorizaban lumes ao redor das casas, vixilaran as dimensións e puxeran a motobomba con xente do concello en previsión e negáronse e tomárono a broma. Esas autoridades temos.