O Rodeiro de Tapas celebrarase os días 6, 7, 8, 13, 14, 15, 16 e 17 de maio

Nesta nova edición participarán 13 locais de hostalaría

Laura Moure/Rodeiro

O Rodeiro de Tapas volve este ano. O concurso será os días 6, 7, 8, 13, 14, 15, 16 e 17 de maio e celebrará a súa novena edición. Participarán un total de 13 locais de hostalaría.

Os horarios das tapas serán inicialmente de 13:00 a 15:00 e 19:00 a 23:00, pero a organización irá informando de cambios a través das redes e o precio das tapas será de 2 euros.

No caso das papeletas, poderase cubrir unha papeleta por cada tapa consumida, mentres que os pasaportes deberán estar cubertos con todos os establecementos para ser válidos para o sorteo, e depositaráse en calquera das urnas dos locais participantes. Tanto papeletas como pasaportes deberán estar perfectamente cumplimentados para entrar no sorteo, tendo como mínimo nome, teléfono de contacto e procedencia, e a votación deberá ser válida, senón pasará a ser nulo.

O venres 6 haberá Cantos de Taberna para amenizar o arranque do concurso. O xurado profesional fará a súa función o día 7 de maio e estará composto por seis persoas. De momento, están confirmados Loly Gómez Oviedo, Susana López Carbia, Vane Rivas de Festigaleiros e Jose Crusat Gonzalez Adega Entreosrios S.L.

Os participantes e as súas elaboracións son: o restaurante A Latiza co seu Cachopito; o pub Quirós con O noso pastrami; o bar Desito con Pizza carnívora; Casa Sánchez con Cacheirito’s; o Pub Gallaecia con Enrola-dos; Bruxas y Curuxas, Recuncallo; Cabalos do Faro, Cunca quente; As Carpinteiras, Piruletiña; A Esmorga, Bacallau serrano; O Recanto, Taco Recanto wey; Parrillada Maranteiro, Volando voy; el Bar Dacal, Tente en pie e por último, Casa Achacán, Brunch Cambote.