O PSOE de Touro pide actividades para nenos con diversidade funcional

Ecos da Comarca/Touro

O Grupo Socialista do Concello de Touro solicita ao goberno que estude a posibilidade de

incluír algunhas actividades onde as nenas e nenos con diversidade funcional poidan

participar.

A voceira do Grupo Socialista, Gemma V. López destaca a importancia de que as nenas e

nenos e tamén adolescentes con diversidade funcional poidan tomar parte nas

actividades socioculturais, nas que do mesmo xeito que o resto das e dos participantes,

poidan gozar dos beneficios que xeran para o seu benestar persoal, sobre todo as

aquelas desenvolvidas na auga.

"Está proposta faise tamén co fin de favorecer, a través de actividades recreativas e de

lecer, a cohesión, inclusión e integración social e participativa de nenos, nenas e

adolescentes con algún tipo trastorno ou calquera outra circunstancia que derive en

problemas sociais, de atención ou de relación", aclara a edil socialista.

Preme na imaxe se quere contactar connosco.

Por iso, o PSdeG-PSOE de Touro esixe ao goberno de Ignacio Codesido (PP) crear un

programa específico para atender as necesidades destas rapazada para incluilos dentro das actividades socioculturais e de lecer organizadas polo Concello "de maneira que poidan gozar co resto das e dos seus compañeiros ".