O PSdeG-PSOE de Touro demanda a Codesido que alivie a subida do recibo da auga

Ecos da Comarca/Touro

A voceira do Grupo Municipal Socialista (PSdeG-PSOE) no Concello de Touro, Gemma

V. López, reclama ao alcalde do municipio, Ignacio Codesido (PP), unha "revisión con carácter excepcional" das taxas e prezos municipais a auga para "aliviar" a subida do recibo das familias logo de que a Xunta de Galicia aprobase a Lei da Auga.

A edil advertiu de que "a administración local, que é a máis próxima as veciñas e veciños,

non pode poñerse de perfil ante o grave problema que vai xerar este 'sablazo' do recibo dun ben de primeira necesidade como é a auga, xa que existen numerosas familias que están a ter serias dificultades para poder chegar a fin de mes por mor da crise ocasionada pola pandemia e pola guerra".

Preme na imaxe se quere contactar connosco.

"É inxusto que para unha familia de tres persoas que consuman uns 39 metros cúbicos ao

mes pase de pagar 16 euros a pagar 25,52, sen IVE. Chegou o momento de que o goberno municipal do PP sexa valente e adopte cantas medidas sexan necesarias para frear esta situación", indica Gemma López, á vez que engadiu que, "de ser necesario, o Concello ten que poñer fondos propios e aliviar un pouco a economía das familias".