O proxecto ‘Diversidade e igualdade: rompendo barreiras’ de Touro foi seleccionado pola FEMP

Está dirixido á poboación con diversidade funcional e de especial vulnerabilidade

Ecos da Comarca/Touro

O Concello de Touro puxo en marcha o proxecto “Diversidade e Igualdade: Rompendo Barreiras” destinado á poboación con diversidade funcional e de especial vulnerabilidade. Trátase dun programa de actividades de dinamización social mediante obradoiros tutelados, orientados á aprendizaxe e mantemento da saúde física, psíquica e social.

As actividades estanse desenvolvendo dende o mes de marzo ata decembro. As persoas e familias interesadas en participar deben poñerse en contacto cos Servizos Sociais do concello.

Ten como obxectivo principal o empoderamento das persoas con divesidade funcional, reforzando a súa seguridade emocional, a súa resilencia e a súa capacidade para superar barreiras sociais e persoais. Así mesmo, permite un respiro familiar para as súas coidadoras, na súa maioría mulleres.

Publicidade

Preme na imaxe se queres contactar connosco.

Agora este programa foi seleccionado pola Federación Española de Municipios e Provincias (FEMP), que deste xeito achega financiamento para o seu desenvolvemento.