O programa piloto de vacinación fronte á gripe chega a colexios de Arzúa, Lalín, Silleda e Monterroso

Poderase administrar a vacina intranasal, sen picada, ao alumnado de entre 3 e 11 anos

Laura Moure/Xeral

A Xunta iniciará o vindeiro día 13 de outubro o programa piloto de vacinación fronte á gripe en 75 colexios, co obxectivo de chegar a 26.536 rapaces. Cómpre lembrar que o pasado ano a Consellería de Sanidade puxo en marcha este proxecto piloto en 50 centros educativos, acadando unha participación do 51 %. Este ano o proxecto piloto chega a 20 centros educativos máis, distribuídos nas sete áreas sanitarias e incluíndo contornos urbanos, semiurbanos e rurais. Das comarcas de Arzúa, Deza e A Ulloa chegará a cinco centros educativos.

Ao igual que o pasado ano, poderase administrar a vacina intranasal, sen picada, ao alumnado de entre 3 e 11 anos.

Na área sanitaria da Coruña e Cee serán un total de 12 centros, en concreto: no concello da Coruña, o CEIP Eusebio da Guarda, o CEIP María Barbeito e Cerviño, o CEIP Raquel Camacho e o CPR Fogar de Santa Margarida. Tamén participarán nesta área sanitaria da Coruña e Cee neste proxecto piloto os centros CEIP Ramón Otero Pedrayo da Laracha; o CEIP Ponte dos Brozos de Arteixo; o CEIP FranciscoVales Villamarín de Betanzos; o CEIP Fogar de Carballo; o CPR  Andaina de Culleredo; o CPR Montespiño de Culleredo; o CPR Nuestra Señora del Carmen de Fisterra; e o CPR Hijas de Cristo Rey de Oleiros.

Polo que atinxe á área sanitaria de Ferrol, serán catro os colexios que participan este curso no proxecto piloto de vacinación: o CEIP Cruceiro de Canido, o CEIP Plurilingüe de Ponzos, o CEIP San Xoán de Filgueira e o CPR Sagrado Corazón.

 PUBLICIDADE

Preme na imaxe para obter máis información do evento.

Na área sanitaria de Santiago de Compostela e Barbanza, os colexios participantes serán 14. Concretamente, na cidade de Santiago de Compostela: o CEIP das Fontiñas, o CEIP Pío XII e o CPR La Salle. Ademais, tamén participarán o CPR Nosa Sra. de Lourdes da Estrada; o EEI Milladoiro de Ames; o CPR Nosa Sra. Rosario de Arzúa; o CEIP Xesús Golmar de Lalín; o CEIP O Coto de Negreira; o CEIP Alfonso D. Rodríguez Castelao de Ordes; o CEIP Camiño Inglés no concello de Oroso; o CEIP de Sigüeiro, tamén en Oroso; o CPR Nosa Señora Inmaculada de Santa Comba; o CEIP Plurilingüe de Silleda; e o CPR Mª Inmaculada, tamén de Silleda.

Na área sanitaria de Pontevedra e O Salnés participarán nove colexios.  En concreto, na cidade de Pontevedra, o CEIP A Xunqueira II, o CEIP Vilaverde Mourente, o CPR  Sagrado Corazón de Jesús e o EEI Concepción Crespo Rivas. Ademais, tamén participarán o CPR Sonrisas y Lágrimas da Illa de Arousa, o CEIP San Tomé de Cambados, o CPR San Narciso de Marín, o CEIP Arealonga de Vilagarcía de Arousa e o CPR Sagrada Familia, tamén de Vilagarcía de Arousa.

Polo que respecta á área sanitaria de Lugo, A Mariña e Monforte de Lemos, os colexios que participarán son 12. En concreto da cidade de Lugo, o CEIP Luis Pimentel e o CPR  Plurilingüe San José. Ademais, tamén participarán o CEIP Purilingüe Vista Alegre de Burela, o CEIP Xoán de Requeixo de Chantada, o CPI Plurilingüe Virxe do Monte de Cospeito, o CPI Plurilingüe Dr. López Suárez de Friol, o CEIP Lagostelle de Guitiriz, o CPR Real Colegio Padres Escolapios de Monforte de Lemos, o CEIP Plurilingüe de Monterroso, o CPR Plurilingüe Ntra. Sra. de la Asunción de Sarria, o EEI de Vilalba e o CPR Plurilingüe Landro de Viveiro.

Na área sanitaria de Vigo, os colexios participantes serán 11. Na cidade de Vigo participarán o CEIP García Barbón, o CEIP Lope de Vega, o CEIP Pintor Laxeiro, o CEIP Seis do Nadal, o CPR Plurilingüe Apóstol Santiago e o EEI Vila Laura. Así mesmo, tamén participarán o CEIP Plurilingüe de Reibón en Moaña, o CPR Plurilingüe Lar, en Mos, o CRA María Zambrano do Rosal, o CRA Raíña Aragonta de Salceda de Caselas, e o CEIP Plurilingüe Infante de Borbón de Salvaterra de Miño.

 PUBLICIDADE

Preme na imaxe para contactar connosco.

Finalmente, na área sanitaria de Ourense, Verín e O Barco de Valdeorras, serán 13 os colexios que participarán no proxecto piloto de vacinación nos centros educativos. En concreto, na cidade de Ourense: o CEIP Plurilingüe Irmáns Villar e o CPR Plurilingüe Divina Pastora. Tamén participarán o CPR Pablo VI Fátima da Rúa, o CEIP Padre Feijoo de Allariz, o CPI Plurilingüe Antonio Failde de Coles, o CPI Terras de Maside, o CEIP Plurilingüe Calvo Sotelo do Carballiño, o CPR Plurilingüe Sagrado Corazón, tamén do Carballiño, os CPR Plurilingües Guillelme Brown e Miraflores do Pereiro de Aguiar, o CPR Plurilingüe María Inmaculada de Verín e os CEIP Carlos Casares e Rosalía de Castro de Xinzo de Limia.