O Polo de emprendemento de Silleda e Venezolanos do Deza organizan hoxe unha xornada en Lalín
- Laura Moure
- hace 1 día
- 2 min de lectura
O obxectivo é impulsar o emprendemento e integración na comarca
Laura Moure/Lalín
O Polo de emprendemento e Apoio ao Emprego de Silleda, en colaboración coa Asociación Venezolanos do Deza, celebrará este xoves 25 de xuño de 19:00 a 20:30 horas a xornada “Tecendo colaboracións coa Asociación Venezolanos do Deza”. O obxectivo do encontro é fomentar a conexión entre a comunidade venezolana residente na comarca do Deza e os recursos de apoio ao emprendemento dispoñibles en Galicia, alén de xerar redes que contribúan ao desenvolvemento privado, profesional e empresarial dos participantes.
A actividade desenvolverase na sede da Asociación Venezolanos do Deza, en Lalín, rúa Memorias dun Neno Labrego nº 14, 1º. Será un espazo aberto para compartir experiencias, identificar oportunidades e crear novas colaboracións.
PUBLICIDADE
A xornada busca achegar os servizos da Rede de Polos de Emprendemento e Apoio ao Emprego á comunidade venezolana do Deza e coñecer de primeira man as súas inquietudes, necesidades e propostas. A través do diálogo e a participación preténdese fortalecer os vínculos entre persoas emprendedoras, asociacións e axentes do territorio.
Programa
19:00 h: Recepción de asistentes e benvida e presentación do Polo de emprendemento de Silleda e os seus servizos.
19:10 h: Presentación da Asociación de Venezolanos do Deza
19:30 h: Dinámica participativa “A miña chegada ao Deza”
20:00 h: Networking emprendedor
20:30 h: Clausura da xornada
PUBLICIDADE
Desde ambas as entidades destacan a importancia de crear espazos que favorezan a integración, a participación activa e o emprendemento como ferramentas para xerar oportunidades e fortalecer o tecido social e económico da comarca.
Inscricións
A asistencia é gratuíta previa inscrición a través da Rede de Polos de Emprendemento e Apoio ao Emprego da Xunta de Galicia e a Asociación Venezolanos do Deza.
Comentarios