O Pino promove cursos de primeiros auxilios ao asinar un convenio con investigadores do Sicrus

En xuño impartirase unha formación de soporte vital básico dirixida ao alumnado de ESO e, no segundo semestre, outra para a veciñanza

Laura Moure/O Pino

Investigadores do Sicrus van impartir durante o mes de xuño un curso de primeiros auxilios e soporte vital básico entre o alumnado da ESO do CPI Camiño de Santiago e, no segundo semestre deste ano, outra entre a veciñanza do Pino coa finalidade de formar a poboación en situacións de emerxencias e favorecer a transferencia de coñecemento a poboación xeral que pode axudar a salvar vidas en momentos críticos.

Esta actuación encádrase no convenio de colaboración asinado entre o Concello e o Grupo de Investigación en Simulación, Soporte Vital e Coidados Intensivos (Sicrus), un dos grupos emerxentes do Instituto de Investigación Sanitaria (IDIS) do Sergas e da USC.

 PUBLICIDADE

Se queres obter máis información do evento preme na imaxe.

O alcalde do Pino, Manuel Taboada, e o investigador principal do Sicrus, Antonio Rodríguez Núñez, presentaron publicamente este convenio, que ten unha vixencia de dous anos e fíxase como obxectivo impulsar actividades formativas e de transferencia de coñecemento no ámbito da saúde e da seguridade.

 PUBLICIDADE

Preme para obter máis información.

O convenio entre Concello e Sicrus permitirá “formar á veciñanza do Pino para saber como

responder ante situacións de emerxencia que se dan no noso día a día, e adquirir uns

coñecementos básicos que nos axuden a salvar vidas”, explicou Manuel Taboada durante a presentación. Con esta iniciativa “queremos seguir avanzando cara a un municipio máis

preparado, seguro e comprometido coa saúde comunitaria”, engadiu Manuel Taboada, que

puxo tamén como exemplo os desfibriladores que xa instalou o Concello en edificios e

centros públicos, como os campos de fútbol, os polideportivos, a casa consistorial ou a casa de cultura, entre outros.