O Mercado Medieval e o Mercamelide na Rúa regresan a Melide os días 8, 9 e 10 de agosto

Contará cunha ampla e variada programación para todos os públicos

Laura Moure/Melide

O Mercado Medieval e o Mercamelide na Rúa regresan á zona vella de Melide os días 8, 9 e 10 de agosto cunha ampla e variada programación para todos os públicos.

O mercado medieval o ano pasado. Autor: Ecos da Comarca

Por unha banda, a feira do medievo abrirá as súas portas o venres 8, ás 19:00 horas, a partir dese momento veciñanza e visitantes poderán desfrutar do recuncho infantil, pasarrúas musicais con Gaeloc, espectáculos co Bufón Vermello e cazadores de dragóns.

Publicidade

Preme na imaxe para obter máis información do evento.

Sábado e domingo, o Mercado Medieval, arrincará ás 11:00 horas. Durante toda a fin de semana non faltará a música e os espectáculos de rúa para encher a vila de troula. Nesta

feira haberá diversos postos de comida, roupa, calzado, beleza e bixutería; así como espazos e atraccións para os nenos e nenas, entre as que podemos atopar o tiro con

arco.

Para despedir unha nova edición do Mercado Medieval, o domingo ás 21:45 horas, haberá un pasarrúas de despedida con todas as compañías participantes.

Publicidade

Preme na imaxe para obter máis información do evento.

Pola outra banda, o Mercamelide na Rúa contará con preto de 20 comercios locais participantes nos que haberá diversos descontos nos seus produtos e artigos. Unha nova

oportunidade para apoiar os establecementos de proximidade da vila.

Dende o Concello de Melide anima a toda a veciñanza da contorna e visitantes que durante eses días estean por Melide a visitar o municipio e o seu Mercado Medieval e o Mercamelide na Rúa.