O IX Mercado de Época regresa a Furelos do 18 ao 20 de setembro

O Concello de Melide organiza unha variada programación que traslada á parroquia a 1900

Laura Moure/Melide

O IX Mercado de Época de Furelos (Melide) permitirá á veciñanza e visitantes dar un salto atrás na historia, concretamente ao ano 1900, durante a fin de semana do venres 18 ao domingo 20 de setembro. Para isto, a cita contará con música polas rúas da parroquia, obradoiros de oficios, exposicións de época, postos de artesanía e alimentación, teatro na rúa, figurantes, xogos tradicionais, espectáculos aéreos e de lume e diferentes propostas de animación para toda a familia.

O mercado abrirá de 18:00 a 22:30 horas o venres e de 11:30 a 22:30 horas o sábado e o

domingo.

Programa

De xeito máis concreto, o sábado, o grupo de pandeireteiras de Monte Furado realizará pasarrúas de 13:00 a 14:00 e de 18:00 a 19:00 horas. O domingo, de 17:00 a 19:00 horas, a Asociación Galega do Xogo Popular e Tradicional ofrecerá xogos tradicionais.

 PUBLICIDADE

Preme na imaxe para obter máis información do evento.

Durante ambas as xornadas haberá tamén animación musical, pasarrúas e teatro na rúa, coa presenza de personaxes como a Muller Barbuda, un pitonisa, unha criada de época e unha carteira de época, ademais dun espectáculo de circo e un baile de Charlestón. A

ambientación completarase cos obradoiros de oficios, as exposicións e os postos de artesanía e alimentación presentes no mercado.

Ao peche do mercado, tanto o sábado como o domingo, haberá ademais un espectáculo

aéreo e outro de lume.

 PUBLICIDADE

Preme na imaxe para contactar connosco.

Un ano máis, volverá tamén o xa habitual tren turístico, que unirá a vila de Melide con Furelos durante o sábado e o domingo. Contará con paradas diante da Capela de San

Roque e en Furelos e funcionará de 11:00 a 14:00 e de 16:00 a 20:00 horas.

Dende o Concello de Melide convídase á veciñanza e visitantes a achegarse a Furelos e

desfrutar dunha nova edición do Mercado de Época, que permitirá percorrer as súas rúas

e trasladarse por uns días ao ano 1900.