O Goza do Ulla 2026 acolle un total de 19 rutas que percorrerán os 20 concellos bañados polo Ulla

Touro e Vila de Cruces compartirán a andaina

Laura Moure/Xeral

Onte, mércores, o Couto de Ximonde en Vedra acolleu a presentación do Goza do Ulla 2026. A idea orixinal do proxecto Goza do Ulla nace no ano 2011 a partir da iniciativa de

cinco concellos bañados polo Ulla que concibiron a idea de poñer en valor as

potencialidades relativas ao uso turístico de devandito río e agora chega a 20 municipios.

Esta iniciativa acolle 20 concellos polos que transcorre o Ulla dende o seu nacemento

en Antas de Ulla, ata a súa desembocadura na ría de Arousa tras percorrer sobre 130

km. Concellos das provincias de A Coruña, Lugo e Pontevedra: Antas de Ulla,

Monterroso, Palas de Rei, Santiso, Agolada, Arzúa, Vila de Cruces, Touro, Boqueixón,

Silleda, A Estrada, Vedra, Teo, Padrón, Pontecesures, Dodro, Valga, Catoira, Rianxo e

Vilagarcía de Arousa.

A actividade desencadeante do programa virou en torno ao goce das rutas de

sendeirismo da conca fluvial do citado río, un espazo protexido pola Rede Natura 2000.

O éxito deste proxecto débese, en boa parte, á xestión compartida en canto a

organización, finanzamento e aproveitamento dos recursos materiais e humanos

aportados por cada Concello.

 PUBLICIDADE

Se queres obter máis información do evento preme na imaxe.

"Queda moito traballo por facer. Actualmente estamos tratando de constituír unha

asociación de concellos para impulsar este programa. Pero hai que seguir

redescubrimento non só as rutas de sendeirismo senón tamén as potencialidades que

ofrecen os territorios e paisaxes vertebradas polo Ulla. Neste sentido intentaremos que

actividades como o cicloturismo, a pesca e as actividades acuáticas en xeral se poidan

desenvolver e promocionar de forma conxunta, preservando a contorna a partir do seu

coñecemento e desenvolvemento sostible", sinala a organización.

Polo tanto, engade, "quédannos moitos obxectivos por diante, pero o principal é a promoción turística dos Concellos e do territorio de actuación como destino único.

Para que isto sexa posible, é preciso a implicación das diferentes administracións

públicas".

 PUBLICIDADE

Preme para obter máis información.

O Programa Goza do Ulla 2026, acolle un total de 19 rutas que percorrerán os 20

concellos bañados polo Ulla, unha delas é compartida entre 2 concellos, Touro e Vila de Cruces. As rutas comezarán o 30 de maio en Boqueixón, e rematarán o 24 de outubro en Santiso.

En resumo, o programa Goza do Ulla é unha iniciativa de dinamización turística, cultural e económica arredor do río Ulla, que promove os recursos naturais, patrimoniais e gastronómicos dos concellos da súa contorna. Busca conectar territorio, identidade local e desenvolvemento sostible mediante actividades, rutas, eventos e colaboración entre entidades . O seu potencial está en converter o Ulla nun eixo de atracción turística de referencia en Galicia, xerando oportunidades para o comercio local, o turismo activo e a valorización do patrimonio. Ademais, favorece a cooperación intermunicipal e contribúe a fixar poboación e crear actividade económica no rural.