O gaiteiro Manuel Seoane de Sobrado gaña o Trofeo MacCrimmon, o máximo premio do mundo da gaita

Laura Moure/Sobrado

Un orgullo para Sobrado e para Galicia. O gaiteiro de As Cruces, en Sobrado, Manuel Seoane, acaba de facer historia ao proclamarse vencedor do Trofeo MacCrimmon, considerado o máximo galardón do mundo da gaita, no marco do Festival Intercéltico de Lorient, un dos grandes escaparates internacionais da música e da cultura celta.

Manuel Seoane co premio. (Foto publicada nas súas redes sociais)

Natural de Sobrado, Manuel leva tocando a gaita desde os catro anos, cando comezou a súa formación na Asociación Cultural A Maristela de Sobrado. Agora, despois de sete anos intentando alcanzar este soño, o esforzo, a constancia e o talento tiveron a súa recompensa nun dos escenarios máis importantes do mundo para este instrumento.

 PUBLICIDADE

Preme na imaxe para obter máis información deste evento.

O triunfo en Lorient supón un recoñecemento á súa traxectoria e, ao mesmo tempo, á tradición musical galega. Estas son as súas declaracións que fixo a través das redes sociais:

 PUBLICIDADE

Preme na imaxe para obter máis información do evento.

"A pasada fin de semana acadei o primeiro premio no Trophée MacCrimmon de Gaita no @festivalinterceltiquelorient. Non podo estar máis agradecido coa vida, nin con toda a xente que no antes, o durante e o despois se preocupou de facerme sentir a persoa máis arroupada do mundo. Agradecido a @alvaroaf_ polo gran traballo que fixo comigo no repertorio asturiano e sempre estar disposto a todo; @raul_grz por ser amigo e por amañarme todos e cada un dos problemas que puiden ter coa gaita asturiana; a @xosemiguelez por facerme ver que a música é sempre o máis importante e por facerme ver que o mellor camiño a tomar é o dun mesmo; @marie_le_cam29 por toda a axuda incondicional que me brindou no repertorio bretón todos estes anos; @daniferlop94 pola música, a compañía e o alento (e o canto jeje); @ascarizsuso por abrirme o camiño; @danibellon por sempre, sempre, sempre acompañarme no camiño e por facer que a día de hoxe sexa o gaiteiro que son. De todos os premios da miña carreira hai unha parte túa. @gaitas_seivane por sempre facer do obradoiro unha casa para min e por facer os mellores instrumentos para que a xente que queremos facer música, a poidamos facer da mellor maneira posible. @anaaaadar, amiguita, por fin podemos ir á praia 🤓. E por último, a meus pais Manolo e Rosa, que sempre o deron todo para que o seu fillo puidese estudar gaita. Este premio é de todos vós. Grazas aos meus compañeiros galegos @anton_0875 @hectorlomba_gaiteiro @ismaelgdr por todo o apoio, e tamén aos amigos asturianos @pelayogaiteru @diegogaitero95 @nelcorver e @pelayocordero_ Grazas de corazón a todos e todas. Pabliño, vai por ti".

 PUBLICIDADE

Preme na imaxe se queres contactar connosco.

Dende Sobrado non agochan o orgullo por un éxito que sitúa o nome do municipio e de Galicia no mapa internacional da música celta, e así se fixo eco o Concello a través das súas redes sociais. A súa vitoria é tamén un recoñecemento ao traballo desenvolvido durante anos e ao compromiso coa gaita e coa cultura galega. "Parabéns, Manuel! Que sigas facendo soar a nosa música con tanto orgullo, talento e paixón e levando o nome de Sobrado e de Galicia por todo o mundo", sinala o Concello.