O delegado da Xunta en Pontevedra, Agustín Reguera, visita o polígono industrial Lalín 2000

Alí informou sobre as axudas da Xunta destinada á habilitación e mellora das infraestruturas dos parques empresariais, dotada cun orzamento de 3,5 millóns de euros

Laura Moure/Lalín

O delegado territorial da Xunta en Pontevedra, Agustín Reguera, visitou, acompañado polo alcalde de Lalín, José Crespo, este venres o polígono industrial Lalín 2000, un dos máis importantes da provincia, para informar sobre as axudas da Xunta destinada á habilitación e mellora das infraestruturas dos parques empresariais, dotada cun orzamento de 3,5 millóns de euros.

Reguera puxo en valor a importancia deste tipo de investimentos para reforzar a

competitividade do tecido empresarial, mellorar os servizos dos polígonos industriais e

favorecer a atracción de novas empresas, ao tempo que se avanza na sustentabilidade,

eficiencia enerxética e integración paisaxística destes espazos produtivos.

 Publicidade

Preme na imaxe para obter máis información do evento.

O delegado territorial lembrou que o prazo para presentar solicitudes estará aberto ata o

vindeiro 3 de marzo e animou ás entidades locais a concorrer a esta convocatoria para

seguir mellorando as infraestruturas e servizos dispoñibles.

 Publicidade/DOAZÓN PARA ECOS DA COMARCA

Fai unha doazón para axudar ao xornalistmo independente. Gracias!

As actuacións subvencionables inclúen a implantación de melloras na iluminación pública

con criterios de eficiencia enerxética; a construción ou mellora de plantas depuradoras de

augas, así como colectores con vertedura á depuradora municipal; a xestión de residuos

dentro do parque empresarial; a mellora das infraestruturas viarias, tanto de acceso como

interiores; a implantación de servizos centralizados de subministración de gas e/ou

hidróxeno; e as melloras nas infraestruturas e espazos públicos urbanizados orientadas á

integración paisaxística dos polígonos.

Publicidade

Preme para contactar con nós e pregunta polas tarifas que son unha bicoca!

Reguera salientou que estas axudas se enmarcan na estratexia da Xunta para impulsar a

modernización dos parques empresariais galegos, dotándoos de infraestruturas máis

eficientes, sostibles e adaptadas ás necesidades actuais das empresas, co obxectivo de

xerar emprego, atraer investimento e favorecer o desenvolvemento económico local.