O Concello do Pino organiza unha Masterclass de Zumba Solidaria a favor da ACEM
- ecosdacomarca
- 13 feb
- 1 Min. de lectura
A cita é o sábado 22 de febreiro no Polideportivo Municipal de Lameiro
Ecos da Comarca/O Pino
O Concello do Pino celebrará unha nova edición da Masterclass de Zumba Solidaria o sábado, 22 de febreiro, a partir das 18:00 horas no Polideportivo Municipal de Lameiro. A entrada para participar neste evento será de 5 €, importe que se destinará integramente á ACEM (Asociación Compostelá de Esclerose Múltiple, Párkinson, ELA e outras enfermidades).
Publicidade
A actividade, aberta a todos os veciños e veciñas que queiran gozar dunha tarde de diversión e solidariedade, contará coa participación de monitores e monitoras especializadas que guiarán aos asistentes no seu ritmo de zumba. A organización anima aos participantes a acudir disfrazados para dar un toque de cor e alegría ao evento, especialmente tendo en conta a proximidade do Entroido.
Con esta acción, o Concello do Pino quere promover, ademais de hábitos saudables, o apoio a unha causa social tan importante como a loita contra as enfermidades tratadas
pola ACEM. Os fondos recadados serán empregados para continuar co apoio ás persoas que padecen estas condicións e ás súas familias.
Comments