O Concello de Vila de Cruces celebrará o seu Entroido o martes 17 de febreiro

A inscrición para participar no concurso estará aberta no Rexistro do Concello ata o 17 de febreiro ás 13 horas

Laura Moure/Vila de Cruces

O Concello de Vila de Cruces está a organizar o seu Entroido para o martes 17 de febreiro. Haberá desfile de carrozas e disfraces polas rúas da vila a partir das 17:30 horas, con saída do Campo da Feira e un percorrido que irá ata o Pavillón Municipal. Como novidade, este ano o desfile estará encabezado polos Xenerais da Ulla.

As persoas interesadas en participar poden anotarse no Rexistro do Concello ata o 17 de febreiro ás 13:00 horas. A organización tamén indica que os participantes que queiran utilizar música propia na súa actuación deberán entregala nun USB no Rexistro do Concello antes do luns 16 de febreiro ás 13:00 horas. "O Entroido é unha das festas máis populares e ancestrais de Galicia, e Cruces non é unha excepción. A vila volverase a encher un ano máis de alegría, cor e tradición cun espectacular desfile de carrozas e disfraces, onde a música e os premios do concurso poñerán o broche final a unha tarde inesquecible", segundo destaca o Concello de Cruces.

 Publicidade/DOAZÓN PARA ECOS DA COMARCA

O concurso terá diferentes premios en metálico segundo as categorías. Na modalidade

de carrozas entregaranse premios para os tres primeiros clasificados (1º premio: 295 euros; 2º premio: 175 euros; e 3º premio: 125 euros); na categoría de grupo senior tamén haberá tres distincións (1º premio: 200 euros; 2º premio: 150 euros; e 3º premio: 100 euros); a de grupo infantil terá outros tres gañadores (1º premio: 150 euros; 2º premio: 120 euros; e 3º premio: 90 euros); ademais distinguiranse as mellores parellas infantís (1º premio: 90 euros; 2º premio: 70 euros; e 3º premio: 50 euros); e os máis espectaculares disfraces individuais, en categoría senior (1º premio: 60 euros; 2º premio: 50 euros; e 3º premio: 40 euros), e en categoría infantil (1º premio: 60 euros; 2º premio: 50 euros; e 3º premio: 40 euros).

 Publicidade

Preme na imaxe para obter máis información.

En caso de chuvia, suspenderase o desfile e a actividade trasladarase ao pavillón municipal.

Publicidade

Preme para contactar con nós e pregunta polas tarifas que son unha bicoca!

Altos dos Xenerais da Ulla en Merza e Piloño

Vila de Cruces forma parte do Entroido da Ulla, sendo un dos concellos incluídos na programación deste Ben de Interese Cultural. O domingo Corredoiro do 8 de febreiro celebrarase, a partir das 17:00 horas, os Altos ou Atranques dos Xenerais da Ulla no

campo da festa de Merza; e o domingo, 15 de febreiro, será a quenda para os Altos ou

Atranques dos Xenerais no campo da festa de Piloño, tamén a partir das 17:00 horas.