O Concello de Touro denuncia un acto vandálico no local municipal da área recreativa de Santaia

Ecos da Comarca/Touro

O Concello de Touro presentou unha denuncia ante a Garda Civil tras rexistrarse un acto vandálico no local de titularidade municipal situado na área recreativa de Santaia. Os feitos producíronse durante a noite do luns 13 ao martes 14 de xullo.

Segundo informou o propio Concello a través dun comunicado, os danos consistiron na rotura dunha reixa metálica dunha ventá, no forzamento do marco de aluminio da mesma e tamén da pechadura da porta de acceso, o que permitiu aos autores entrar no interior do inmoble.

 PUBLICIDADE

Preme na imaxe para obter máis información deste evento.

Nunha primeira inspección non se detectou a falta de ningún obxecto nin se apreciaron máis desperfectos no interior, pero despois de detectouse que faltaban uns altofalantes e unha etapa de pontencia. Con todo, os danos ocasionados no acceso ao edificio motivaron a presentación da correspondente denuncia co obxectivo de esclarecer o sucedido e identificar aos responsables.

Desde o Goberno local condenan "este tipo de comportamentos incívicos", ao considerar que atentan contra un espazo público que pertence a toda a veciñanza. Así mesmo, confían en que a investigación permita dar cos autores destes feitos.

 PUBLICIDADE

Preme na imaxe para obter máis información deste evento.

O Concello fai tamén un chamamento ao respecto polo patrimonio municipal e á colaboración cidadá para evitar que este tipo de actos vandálicos volvan repetirse.