O Concello de Sobrado dos Monxes celebrará o 9 e 10 de agosto a súa XXIV Feira da Troita

A xornada festiva arrancará o día 9 co XIX Festival Musical Intercultural da Xuventude no que actuarán Clandestinos, Ortiga, Os Melidaos e La Indirigible

Laura Moure/Sobrado dos Monxes

O Concello de Sobrado dos Monxes celebrará o 9 e 10 de agosto a súa XXIV Feira da Troita. É unha cita que mistura gastronomía, música, artesanía, deporte, xogos..., un amplo abano de posibilidades de ocio concentradas nunha fin de semana especial e nun lugar único.

O alcalde de Sobrado, Lisardo Santos, cos pregoeiros da edición pasada, Marcial Mouzo e María Rivas.

A cita arrancará o sábado, día 9, co XIX Festival Musical Intercultural da Xuventude. Comezará ás 20:30 horas na Praza do Concello coa música de Clandestinos. Ás 23:00 horas, na Explanada do Pavillón Polideportivo, o ritmo marcarano Ortiga, Os Melidaos e La Indirigible.

Publicidade

Preme na imaxe para obter máis información.

Xa o domingo, día 10, celebrarse unha nova edición da XXIV Feira da Troita. O pregón correrá a cargo de José Antonio Santiso Miramontes. (Toda a información no cartel que compartimos ao final desta noticia)

Publicidade

Preme na imaxe se queres contactar connosco.