O Concello de Silleda, xunto cun grupo de inversores privados, promove o inicio dun proxecto de central leiteira galega

Os terreos, propiedade do Concello, onde se instalaría a Central Leiteira Deza Tabeirós están ubicados moi preto do acceso á autopista e da N-525

Laura Moure/Silleda

O Concello de Silleda e un grupo de inversores privados promoven o inicio dun proxecto para a creación da Central Leiteira Deza Tabeirós, que transformaría o leite para elaborar

produtos coma iogures, manteigas ou queixos. O alcalde de Silleda, Manuel Cuiña; o concelleiro de Obras, Antonio Losada; e os representantes dos inversores visitaron este martes as propiedades onde se instalaría esta central leiteira.

Publicidade

Preme na imaxe para obter máis información!

Os terreos, que son propiedade municipal dende 2014, ocupan unha superficie aproximada de 30.000m 2 e son idóneos pola súa ubicación xeográfica, xa que están situados a 1km do acceso á autopista e tamén preto da N-525.

Publicidade

Preme na imaxe para obter máis información.

Está previsto que nos próximos meses se redacte o proxecto para levar a cabo esta iniciativa empresarial, a cal beneficiaría a economía de Silleda e doutras zonas da comarca do Deza.

Publicidade

Preme na imaxe se quere contactar connosco.

Deste xeito, o Concello segue apostando polo sector primario, en especial pola gandería, xa que avanza un paso máis cara a transformación do leite procedente de explotacións gandeiras silledenses.