Este punto informativo, con personal técnico especializado, forma parte da axuda a través do Pacto de Estado contra a Violencia de Xenero
Laura Moure/Silleda
A caravana morada volta á vila da Bandeira con motivo da celebración das Festas de Verán, da man da Concellería de Igualdade, que dirixe Ángela Troitiño.
O vehículo estará ubicado na entrada da carballeira da vila na xornada de mañá xoves día 18 e o venres 19 dende as 21:00 horas. Na xornada do sábado, día da Festa da Empanada, a caravana estará xa aberta dende as 18:00 horas.
A caravana estará atendida por un equipo de persoas técnicas especializadas na prevención e orientación na loita contra a violencia de xénero. “O obxetivo é ,por unha parte, concienciar e visibilizar o compromiso social e o rexeitamento comunitario das violencias, informando tamén sobre os recursos dispoñibles á cidadanía”, sinala a concelleira Ángela Troitiño.
Dende o departamento de Igualdade do Concello de Silleda dotarase a este vehículo informativo con material de sensibilización a través da axuda do Pacto de Estado contra a Violencia de Xénero, entre o que figuran tote bags, folletos informativos, chapas , pegatinas, servilletas, marcapáxinas, libretas etc....
Comments