O Concello de Silleda informa dunha praga de eirugas na zona de Ansemil-Martixe

A situación foi comunicada xa á instancias autonómicas para saber como actuar

Laura Moure/Silleda

O Concello de Silleda vén de comunicar á Xunta de Galicia a aparición dunha praga de eirugas na zona de Ansemil-Martixe.

Publicidade

Preme na imaxe para obter máis información!

A Policía Local acudiu nas últimas horas ata o lugar, alertados pola veciñanza, que corroborou a presenza de numerosos bechos desta especie en distintas vías, fincas e ao pé das vivendas.

Publicidade

Preme na imaxe se queres contactar connosco.

Esta mesma mañá dende o Concello se comunicou a presenza desta especie, que ao parecer tamén está presente noutras zonas da Comunidade. O Concello de Silleda solicitou asesoramento técnico á Xunta para saber como actuar ou se se dispón dun servizo específico para atallar esta problemática, unha información que se espera obter nas próximas horas para poder dar unha resposta axeitada ante unha situación que nunca antes se producira no termo municipal.