O Concello de Silleda crea unha bolsa de emprego para auxiliares do SAF

As persoas interesadas poden presentar dende hoxe, xoves a súa solicitude no Rexistro

Laura Moure/Silleda

O Concello de Silleda constituirá unha bolsa de traballo para auxiliares do Servizo de Axuda no Fogar (SAF). As bases para dita constitución foron aprobadas na última sesión da Xunta de Goberno Local, e dende hoxe poden consultarse –xunto cos requisitos e procedemento a seguir- tanto no taboleiro de anuncios da Sede Electrónica como na web municipal.

Preme na imaxe se quere contactar connosco!

O prazo para presentar solicitudes é de 5 días hábiles contados dende hoxe, xoves día 14. O obxecto desta bolsa de traballo é poder cubrir vacantes, baixas, vacacións, aumento de persoas usuarias ou calquera outra necesidade urxente que poida xurdir neste servizo municipal.