O Concello de Silleda abre o prazo para solicitar o programa 'Concilia Silleda' durante o vindeiro curso

O servizo está dirixido a nenos e nenas de 3 a 12 anos empadroados no municipio

Laura Moure/Silleda

Xa está aberto o prazo de inscrición para participar en Silleda Concilia, o programa municipal de conciliación familiar durante o curso escolar 2026-2027, impulsado pola Concellería de Educación que coordina Ángela Troitiño.

Dirixido a alumnado de 3 a 16 anos empadroado no municipio, o programa permite a

apertura dos centros escolares fóra do horario lectivo, ofrecendo actividades e atención

educativa.

As inscricións poden realizarse no Rexistro Xeral do Concello, en horario de 9:00 a 14:00

horas, ou a través da sede electrónica municipal.

 PUBLICIDADE

Preme na imaxe para obter máis información deste evento.

O programa funcionará de luns a venres de 15:00 a 21:00 horas. Ademais, os días non

lectivos (agás festivos) estará dispoñible de 09:00 a 14:00 e de 16:00 a 20:00 horas.

Os formularios de inscrición están dispoñibles tanto no Rexistro como na páxina web do

Concello, a continuación desta publicación. A selección das persoas participantes realizarase segundo o regulamento vixente do programa.

Lémbrase que esta inscrición refírese unicamente ao curso escolar e non inclúe os

campamentos de Nadal e Verán, que se ofertarán noutras datas a través do mesmo

programa.

 PUBLICIDADE

Preme na imaxe para obter máis información do evento.

Silleda Concilia forma parte do Plan Corresponsables da Xunta de Galicia, que promove a

igualdade e facilita a conciliación da vida persoal, familiar e laboral das familias galegas.