O Concello de Santiso impulsa a compostaxe doméstica e abre unha nova convocatoria

Laura Moure/Santiso

O Concello de Santiso continúa coa súa aposta pola xestión sostible dos residuos e pon en marcha unha nova fase da campaña de compostaxe doméstica. O obxectivo é seguir mellorando o tratamento do lixo municipal, reducindo o seu volume e os custos asociados á recollida, transporte e tratamento.

Pode unirse a esta iniciativa quen o desexe. O programa de compostaxe doméstica permítete transformar os residuos orgánicos en abono de primeira calidade para a horta ou xardín.

Para participar, os interesados teñen que anotarse no Concello. As persoas inscritas recibirán:

• Unha xornada de formación sobre como facer compostaxe na casa.

•  Un kit completo de compostaxe composto por: un composteiro doméstico, un caldeiro para separar os residuos na cociña, un imán de neveira de correcta separación e un manual de compostaxe.

• Asesoramento técnico individualizado para resolver calquera dúbida.

Publicidade

Preme na imaxe se queres contactar connosco.

"Así, podédesvos unir as máis de 100 vivendas do noso municipio que xa están a facer compostaxe doméstica. Ademais, nas próximas semanas realizaranse visitas de seguimento por parte de persoal autorizado a todos os composteiros xa instalados, para verificar o seu bo funcionamento e ofrecer apoio no que sexa necesario", sinala o Concello de Santiso.