O Concello de Melide instala caldeiras de biomasa nunha quincena de centros sociais parroquiais

As actuacións supoñen unha inversión de 47.900 euros

Laura Moure/Melide

O Concello de Melide vén de rematar de instalar caldeiras de biomasa nos centros sociais parroquiais para favorecer a realización de actividades no seu interior durante o outono e inverno.

Santaia de Agrón, Baltar, Campos, Folladela, Furelos, A Garea, Golán, Maceda, Moldes, Orois, Piñor, San Martiño das Varelas, Xubial, San Salvador e o Meire son os centros sociais que contan con este novo servizo.

As actuacións subvencionadas polo Instituto Enerxético de Galicia (Inega), e confinanciada polo Fondo Europeo de Desenvolvemente Rexional, no marco do programa operativo Feder Galicia 2014-2020, supoñen un investimento total de 47.900 euros.

Unha das caldeiras colocadas.