Poderán asistir gratuitamente as veciñas e os veciños empadroados e maiores de 60
anos de idade, previa retirada da invitación nas dependencias municipais
Laura Moure/Dozón
O Concello de Dozón abriu esta semana o prazo de retirada de invitacións para participar nunha nova edición da Xuntanza das Persoas Maiores, que se celebrará o vindeiro venres 19 de agosto na recentemente recuperada contorna da Pena de Francia.
Este evento está orientado ás veciñas e veciños empadroados que sexan maiores de 60 anos de idade e para asistir gratis ao xantar previsto só terán que retirar previamente a súa invitación nas dependencias municipais, coa data límite do mércores 17 de agosto.
As actividades programadas comezarán ás 130:0 horas coa celebración dunha misa
no santuario da Pena de Francia, seguida do xantar e da entrega de premios ao veciño
e á veciña de máis idade entre todos/as os/as participantes. A continuación está
prevista unha verbena coa actuación musical de Antonio Barros.