O Concello de Arzúa abre hoxe o prazo de inscrición para a XXIII Liga Local de Fútbol Sala

 Está dirixida a persoas e equipos afeccionados do municipio e da contorna

Laura Moure/Arzúa

Desde o Departamento de Deportes do Concello de Arzúa infórmase de que hoxe, xoves, 15 de xaneiro de 2026, ábrese o prazo de inscrición para participar na XXIII edición da Liga Local de Fútbol Sala Concello de Arzúa, unha competición xa consolidada no calendario deportivo municipal.

A liga está dirixida a persoas e equipos afeccionados do municipio e da contorna, co obxectivo de fomentar a práctica deportiva, a participación e os valores do deporte base nun ambiente de convivencia e xogo limpo.

 Publicidade/DOAZÓN PARA ECOS DA COMARCA

As inscricións poderán realizarse de luns a venres, en horario de 8:30 a 14:00 horas, na Oficina de Cultura e Deportes, situada na rúa Padre Pardo, 33 – 1º andar (Edificio María Mariño). Así mesmo, as persoas interesadas poderán obter información e formalizar a inscrición chamando aos teléfonos 981 500 222 ou 676 172 978, preguntando por Pachal.

 Publicidade

Preme na imaxe para obter máis información.

O prazo de inscrición permanecerá aberto ata o martes 27 de xaneiro de 2026 ás 14:00 horas.

Publicidade

Preme para contactar con nós e pregunta polas tarifas que son unha bicoca!

Desde o Concello de Arzúa anímase á veciñanza a participar nesta nova edición dunha liga que, ano tras ano, contribúe a dinamizar a vida deportiva local e a promover hábitos de vida saudables a través do deporte colectivo. Para máis información, as persoas interesadas poden dirixirse ao Departamento de Deportes do Concello de Arzúa dentro do prazo establecido.