O chef Andrés Torreiro, de D’Obra Gastronómico de Melide, opta ao Premio Cociñeiro Galego 2026

As votacións están abertas ata o 17 de maio

Laura Moure/Melide

O chef Andrés Torreiro, do restaurante D’Obra Gastronómico de Melide, foi nomeado ao recoñecemento de Cociñeiro Galego 2026, un galardón promovido polo Fórum Gastronómico de Galicia, que distingue o talento culinario máis destacado do país. Son en total cinco finalistas.

Desde o propio establecemento melidense amosaron a súa satisfacción por esta nominación, que consideran “un impulso para seguir traballando coa mesma paixón, dedicación e cariño de cada día”. O equipo de D’Obra destacou tamén a importancia do apoio do público nesta fase do proceso.

 PUBLICIDADE

As votacións xa están abertas e permanecerán activas ata o 17 de maio, polo que desde o restaurante animan á veciñanza, clientela e persoas afeccionadas á gastronomía galega a participar para apoiar a candidatura de Torreiro.

As votacións fanse a través do seguinte enlace:https://www.galiciaforumgastronomico.com/cocinerogallego?idm=es&fbclid=IwY2xjawRE5CRleHRuA2FlbQIxMABicmlkETFFdWVoVlhiQmVvOWpQd2dqc3J0YwZhcHBfaWQQMjIyMDM5MTc4ODIwMDg5MgABHrYuRs1fiBNp2YaNzZw-gSVCatNl2fF2ivi4sLHvRQsU_2NOOG13XrIKh4Gd_aem_b-ptqQMCVR-t0oYJqO1O6g

 Publicidade

Preme para obter máis información.

Este recoñecemento sitúa unha vez máis a Melide no mapa gastronómico galego e pon en valor o traballo que se está a desenvolver desde proxectos locais comprometidos coa calidade, o produto e a identidade culinaria de Galicia.