O Camiño Francés e o Camiño de Santiago de Gran Canaria formalizan o seu irmandamento en Arzúa
O acto terá lugar o 9 de novembro na Capela da Madanela
Laura Moure/Arzúa
A Capela da Madanela de Arzúa acollerá o vindeiro luns, 9 de novembro, ás 12:00 horas un fito histórico: o Camiño de Francés e o Camiño de Santiago en Gran Canaria botan a andar xuntos cara un Xacobeo máis alá dun oceáno. O Camiño Francés, o itinerario xacobeo con maior tradición histórica e o Camiño de Santiago en Gran Canaria, con máis de medio século de bula papal, materializan o seu irmandamento nun acto de presentación dun folleto conxunto e un sello para as credenciais coas que selarán a credencial de cada un dos peregrinos que percorran os municipios destes dous históricos camiños a partir do 1 de xaneiro de 2027.
A presentación que contará cos 11 alcaldes galegos que forman esta ruta, así como os tres rexedores canarios, busca presentar a imaxe creada en conxunto de ambos camiños para a promoción do Camiño Francés na Isla así como do Camiño Canario en Galicia, así como para a súa proxección internacional.
PUBLICIDADE
Ó acto asistirán os rexedores de San Bartolomé de Tirajana, Tejeda, Gáldar, Pedrafita, Triacastela, Samos, Sarria, Paradela, Portomarín, Monterroso, Palas de Rei, Melide, Arzúa e O Pino, Víctor Manuel Vázquez Portomeñe (Embaixador de Honra do Camiño de Santiago), os Delegados da Xunta de Coruña e Lugo, Ildefonso de La Campa, Director do Xacobeo, así como altos mandos da Garda Civil de Santiago de Compostela, Asociacións de Amigos do Camiño de Santiago, alcaldes de municipios veciños e representantes del
Camino con Correos.
PUBLICIDADE
Máis alá de que un irmandamento quede nunha simple foto, o obxectivo é empezar a executar o seu traballo en conxunto para que no Ano 2027, o Xacobeo en Galicia e en Gáldar sexan complementarios para continuar coa súa promoción internacional no ano 2028.
Comentarios