O Barrio da Cacharela de Lalín acollerá o 8 de agosto a segunda edición do Coacharela Fest

Laura Moure
hace 14 horas
2 min de lectura

Laura Moure/Lalín

O sábado 8 de agosto terá lugar a segunda edición do Coacharela Fest no Barrio da Cacharela, en Lalín, dende as 13 horas e despois dunha moi boa acollida tanto da xente como nos medios. "Cunha esencia de barrio característica e buscando conectar co público celebramos esta edición mantendo unha parte fundamental destinada á gastronomía e outra á música. Teremos distintos espazos determinados pero cohesionados entre si", sinala a organización.

A edición do ano pasado. Autora: María Jácome Iglesias — A edición do ano pasado. Autora: **María Jácome Iglesias**

A cita contará con nove cociñeiros de renome que contan cunha vinculación ao Concello de Lalín "para representar a esencia de cercanía e comunidade do equipo. Prepararánse 8 tapas en tres turnos repartidos entre o mediodía e a noite en horarios de comida e cea".

Chefs participantes

CHEF ALEX IGLESIAS - (LALÍN)

CHEF DIEGO LÓPEZ - LA MOLINERA (LALÍN)

CHEF ADRIÁN FELÍPEZ - MIGA (A CORUÑA)

CHEF ÁLVARO SANCHEZ - CASA SANCHEZ (RODEIRO)

CHEF BÁRBARA OTERO - CASA SANCHEZ (RODEIRO)

CHEF RULI GARCIA - NIGIRI DE KONTIKE (LALÍN)

CHEF CRIS LÓPEZ - TABERNA ALOLA (LALÍN)

CHEFS MARÍA PÉREZ E NOEL FERNÁNDEZ - ACOUGA

FOGAR GASTRONÓMICO (CHANTADA)

PUBLICIDADE

Preme na imaxe para obter máis información deste evento.

"Para ampliar a oferta gastronómica e dar continuidade ao servizo entre o mediodía e a noite, nesta edición introducimos o punto salgado como novidade principal. Por unha banda, afianzamos a esencia de cercanía e comunidade do festival colaborando coas

panaderías do barrio da Cacharela para dispoñer dos seus produtos, Panadería Nercellas e Panadería Balado. Por outra, e para ofrecer unha opción estilo street food rápida, a Taberna Alola ofertará en exclusiva as súas gildas como punto base do recinto. Con isto conseguimos dinamizar o espazo e aumentar a retención do público no festival durante toda a xornada", explica a organización.

PUBLICIDADE

Preme na imaxe para obter máis información do evento.

Catas

Dada a boa acollida da cata de viños da primeira edición este ano, tamén ofertará dúas catas organizadas por Vinos Manuel Gil e Codorniu. Por un lado, haberá unha cata de espumosos de Codorniu con maridaxe exclusivo de pastas salgadas de Pastelería Navaza, en colaboración con Distribuidora Javi Vázquez e por outro, unha cata de viños con maridaxe de produtos de Real Conservera Española por parte de Vinos Manuel Gil.

PUBLICIDADE

Organizarase a asistencia de forma anticipada en vista da gran demanda do ano anterior, polo que se levará a cabo en dúas franxas a cata de Codorniu a partir das 15:00 e a de Vinos Manuel Gil a partir das 18:30 horas. "O espazo destinado para estas actividades será un apoio nas horas de comida e cea para uso dos festivaleiros e festivaleiras, permitindo aproveitar ao máximo o espazo", recalca o ente organizador.

En canto ao apartado musical, correrá a cargo de tres grupos musicais e dous DJ’s para a franxa do mediodía e ben entrada a noite, ademais, contarase con amenización musical durante todo o día.

PUBLICIDADE