O alcalde de Cruces mantivo unha reunión coa deputada de Infraestruturas Públicas e Mobilidade

Abordaron os proxectos de mellora en varias infraestruturas viarias do municipio

Laura Moure/Vila de Cruces

O alcalde de Vila de Cruces, Luís Taboada, reuniuse onte coa deputada de Infraestruturas

Públicas e Mobilidade da Deputación de Pontevedra, Belén Cachafeiro, na sede provincial co obxectivo de retomar diferentes proxectos de mellora das infraestruturas viarias no municipio.

 Publicidade/DOAZÓN PARA ECOS DA COMARCA

No encontro, solicitado polo alcalde, abordouse, en primeiro lugar, a posibilidade de avanzar nunha senda peonil na parroquia de Cumeiro, unha actuación que permitiría

unir o lugar de Navaza con Carballal, mellorando a seguridade viaria e a mobilidade

peonil na zona.

 Publicidade

Preme na imaxe para obter máis información.

Así mesmo, na reunión aproveitouse para falar do proxecto de desensanche e

reposición da estrada que une Merza con Bascuas, e que finaliza coa súa conexión coa

estrada PO-960 no denominado cruce da Farrapa. Coa redacción do proxecto xa

rematada, nestes momentos a Deputación está pendente da entrega dos terreos

necesarios para poder proceder á súa execución, de acordo co proxecto. Trátase

dunha vía de especial importancia para a comunicación e que presenta claras

necesidades de mellora.

Publicidade

Preme para contactar con nós e pregunta polas tarifas que son unha bicoca!

Desde o Concello de Vila de Cruces valórase de xeito moi positivo este encontro coa

deputada, que supón un paso adiante na colaboración coa Deputación para sacar

adiante actuacións de importante necesidade.