Nacha Pop e Los Rebeldes actuarán na XXV Feira da Troita de Sobrado

A cita musical será o 8 de agosto

Laura Moure/Sobrado

Nacha Pop e Los Rebeldes, dúas formacións históricas que marcaron o pop-rock español das décadas dos 80 e 90, serán os grandes protagonistas da noite do sábado 8 de agosto da XXV Feira da Troita de Sobrado.

 PUBLICIDADE

Preme na imaxe para obter máis información deste evento.

"A Explanada do Pavillón Polideportivo de Sobrado converterase no escenario dunha noite inesquecible, cun concerto gratuíto no que o público volverá revivir os grandes himnos de toda unha xeración. Porque hai concertos que se escoitan... e outros nos que se cantan todas e cada unha das cancións. E este será un deles", recalca o Concello.

 PUBLICIDADE

Preme na imaxe para obter máis información do evento.

"E isto é só o principio... Nas próximas semanas anunciaremos os grupos que completarán un cartel de auténtico luxo", engade o ente local, que é o organizador desta cita.

 PUBLICIDADE

Preme na imaxe para obter máis información deste evento.

Este concerto forma parte do XX Festival Musical Intercultural da Xuventude, integrado na programación da XXV Feira da Troita.