Máis de mil rapaces de 12 centros de Deza competiron na fase zonal de cros Terras do Deza do programa Xogade
Está organizada polo servizo provincial de Deportes da Xunta de Galicia en Pontevedra e a Agrupación Deportiva Escolar O Pino
Laura Moure/Deza
A fase zonal de cros Terra do Deza do programa Xogade, organizada polo servizo provincial de Deportes da Xunta de Galicia en Pontevedra e a Agrupación Deportiva Escolar O Pino, volveu un ano máis ao recinto Feira Internacional de Galicia ABANCA de Silleda. Este evento deportivo, co que se pretende fomentar a actividade física e a relación entre os rapaces da zona, contou coa participación de 1.076 alumnos e alumnas de primaria e secundaria de doce centros educativos da comarca.
Estes foron o CPR Plurilingüe María Inmaculada, o IES Pintor Colmeiro e o CEIP Plurilingüe, de Silleda; o CEIP Ramón de Valenzuela, de Bandeira; o CPI Plurilingüe de Rodeiro, o CEIP Nosa Señora da Piedade e o CEIP Cerdeiriñas, de Vila de Cruces; o CEIP Plurilingüe Vicente Arias de la Maza, de Vilatuxe; e o IES Laxeiro, o CEIP Plurilingüe Varela Buxán, o CEIP Manuel Rivero e o IES Ramón María Aller Ulloa, de Lalín.
Publicidade
Esta competición, que é clasificatoria para o Campionato Provincial, incluíu categoría benxamín (2º e 3º de primaria), no cal correron 450 metros; alevín (4º e 5º de primaria), con distancias de 900 metros; infantil (6º de primaria e primeiro de ESO), correndo 1.350 metros; e cadete (2º e 3º de ESO), cunha distancia de 1.800 metros.
Publicidade
Os cinco primeiros postos de cada unha das carreiras clasificáronse para o campionato provincial individual, mentres que a mellor clase de cada un dos cursos, clasificáronse para o provincial de centros escolares.
Resultados:
Comentarios